Святитель Григорий Чудотворец, епископ Неокесарийский

День памяти:  Ноябрь 17

Святитель Григорий Чудотворец, епископ Неокесарийский, родился в городе Неокесарии (север Малой Азии) в языческой семье. Получив прекрасное образование, он с юности стремился к Истине, но мыслители древности не могли утолить его жажды познания. Истина открылась ему лишь в Святом Евангелии, и юноша стал христианином.

Для продолжения образования святой Григорий отправился в Александрию, знаменитый тогда центр языческой и христианской учености. Любознательное юношество стекалось в Александрийское огласительное училище, где преподавал пресвитер Ориген, знаменитый учитель, обладавший огромной силой ума и глубиной познаний. Святой Григорий стал учеником пресвитера Оригена. Впоследствии святитель так писал о своем наставнике: "Этот человек получил от Бога величайший дар - быть переводчиком слова Бога к людям, разуметь Слово Божие, как Бог Сам его употреблял, и изъяснять его людям, как они могут уразуметь". Восемь лет учился святой Григорий у пресвитера Оригена и принял от него Крещение.

Подвижническая жизнь святого Григория, целомудрие, чистота и нестяжательность вызывали зависть в самоуверенных и грехолюбивых сверстниках - язычниках, и они решили оклеветать святого Григория. Однажды, когда он беседовал с учителями на площади, к нему подошла известная в городе блудница и стала требовать платы за якобы совершённый с нею грех. Сначала святой Григорий кротко возразил ей, что она ошибается, принимая его за кого-то другого. Однако блудница не унималась. Тогда он попросил друга дать ей деньги. Как только блудница взяла в руки неправедную мзду, она тотчас же пала на землю в припадке беснования, а затем призналась в обмане. Святой Григорий совершил над ней молитву, и бес оставил .ее.

Вернувшись в Неокесарию, святой отказался от деятельности в миру, к которой его настойчиво склоняли влиятельные сограждане. Он удалился в пустыню, где в посте и молитве стяжал высокое духовное совершенство и благодатные дары прозорливости и пророчества. Святой Григорий полюбил пустынножительство и хотел остаться в уединении до конца своих дней, однако Господь судил иначе.

Епископ. Каппадокийского города Амасии, Федим, узнав о подвижнической жизни святого Григория, решил поставить его епископом Неокесарийским. Провидя духом желание владыки Федима, святой стал скрываться от посланцев епископа, которым было поручено разыскать его. Тогда епископ Федим рукоположил святого во епископа Неокесарийского заочно, прося Господа, чтобы Он Сам освятил необычную хиротонию. Святой Григорий воспринял такое чрезвычайное событие как проявление воли Божией и не посмел противиться. Этот эпизод из жизни святого Григория описал святитель Григорий Нисский. Он же сообщает, что высший священный сан святой Григорий Неокесарийский воспринял только после совершения над ним всех положенных священнодействий епископом Редимом Амасийским.

Святой Григорий перед хиротонией, во время которой нужно было произнести Исповедание веры, горячо и усердно молился, прося Бога и Божию Матерь открыть ему истинный образ поклонения Пресвятой Троице. Во время молитвы ему явилась Пречистая Дева Мария, сияющая, как солнце, с апостолом Иоанном Богословом, облаченным в архиерейские одежды. По повелению Богородицы, апостол Иоанн научил святого, как достойно и праведно следует исповедовать тайну Пресвятой Троицы. Святой Григорий записал всё, что открыл ему апостол Иоанн Богослов. Тайноводственный Символ веры, записанный святителем Григорием Неокесарийским, - великое Божественное Откровение в истории Церкви. На нем основано учение о Святой Троице в православном Богословии. В последующем оно было раскрыто святыми отцами Церкви - Василием Великим, Григорием Богословом, Григорием Нисским. Символ святого Григория Неокесарийского был рассмотрен и одобрен Первым Вселенским Собором (325 г.), подтвердившим его непреходящее значение для Православия. Став епископом, святитель Григорий направился в Неокесарию. По дороге из Амасии он изгнал бесов из языческого храма, жрец которого обратился ко Христу. Обращенный стал свидетелем еще одного чуда, совершённого святителем, - по его слову сдвинулась с места огромная каменная глыба. Проповедь святителя была деятельной, живой, плодотворной. Он учил, творя Именем Христовым чудеса: исцелял больных, помогал нуждающимся, разрешал ссоры и жалобы. Два брата при дележе наследства не могли договориться об озере, которое было в имении их умершего отца. Каждый из братьев собирал вокруг себя друзей-единомышленников. Готовилось побоище. Святитель Григорий уговорил их отложить окончание спора до следующего дня, а сам всю ночь молился на берегу озера, ставшего причиной раздора. Когда рассвело, все увидели, что предмета спора больше нет, - озеро ушло под землю. Силой молитвы святитель укротил однажды разлив реки, своим жезлом определив границы половодья. Другой раз, при строительстве церкви, он повелел Именем Христовым потесниться горе и освободить место под фундамент.

Когда началось гонение на христиан при императоре Декии (249 - 251), святитель Григорий увел свою паству на отдаленную гору. Один язычник, знавший местопребывание христиан, указал его гонителям. Воины окружили гору. Святитель вышел на открытое место, поднял руки к небу и, повелев своему диакону поступить так же, начал молиться. Воины обыскали всю гору, прошли несколько раз мимо молящихся и, не увидев их, вернулись назад. Они рассказали в городе, что на этой горе спрятаться негде: там никого нет, стоят лишь два дерева недалеко друг от друга. Доносчик был потрясен чудом, раскаялся и стал ревностным христианином.

После прекращения гонений святитель Григорий вернулся в Неокесарию. По его благословению были установлены церковные праздники в честь мучеников, пострадавших за Христа. В то время стало распространяться лжеучение еретика Павла Самосатского (Самосата - город в Сирии). Этот еретик смешивал Сущность Нераздельной Троицы с Сущностью Единого Бога Отца, смущая речами и писаниями умы многих христиан. Ересь Павла Самосатского была осуждена на первом Антиохийском Соборе, состоявшемся в 264 году. На этом Соборе святитель Григорий занимал первенствующее место.

Своей богоугодной жизнью, проникновенной проповедью, чудо-творениями и благодатным управлением паствой святитель неуклонно умножал число обращенных ко Христу. Перед его кончиной (+ ок. 266 - 270) в городе осталось только 17 язычников. А когда святитель Григорий чудотворец, епископ

Неокесарийский, вступал на кафедру, в городе было только 17 христиан.

Акафист святителю Григорию, епископу и чудотворцу Неокесарийскому

Кондак 1

Избранный чудотворче и изрядный угодниче Христов, догматов творец предивный и ересей искоренителю неленостный, многоцелебный источниче и молитвенниче о душах наших, святителю Григорие, яко имеяй дерзновение ко Господу, от всяких нас бед свободи зовущих: Радуйся, чудотворче Григорие, неокесарийская похвало, церкви Христовой украшение.

Икос 1

Ангел земный и человек небесный был еси, святителю Григорие, от начала жития твоего чистоту души и тела возлюбив и Христу любовию усердно последовав, совершенства духовнаго достигл еси. Тем же изряднейшего жительства, аки молнией, сияя светом, ныне свету великому предстоя, поминай нас, усердно чтущих тя и воспевающих тако: Радуйся, Евангелия Христова верный последователю; радуйся, заповедей Иисусовых ревностный исполнителю, радуйся, благочестия стено необоримая; радуйся, звездо, сияющая благодати Божией зарею. Радуйся, дерзновение велие ко Господу стяжавый; радуйся, дар чудотворения свыше получивый. Радуйся, крепкое кормило церкве Христовой; радуйся, непоколебимый столпе православия, радуйся, правило веры благочестивыя; радуйся, образе кротости духовныя. Радуйся, апостольских преданий хранителю; радуйся, тайн Божиих истинный строителю, радуйся чудотворче Григорие, неокесарийская похвало, церкви Христовой украшение.

Кондак 2

Видя нечестивии юноши александрийстии непорочное и целомудренное житие твое, святителю Григорие, ненавистию, от диавола вселяемою, распаляшеся, научиша жену некую оклеветати тя пред всеми, просити плату за блудодеяние. Ты же от чрева матерня даже до блаженной кончины твоея не познав греха плотскаго и сохранив девство неоскверненное, с кротостию и незлобием молил еси друга твоего подати просимое, поющи Богу, единому верному на небесех свидетелю: Аллилуиа.

Икос 2

Разум и сердце имея грехом омраченныя, прияла блудница, иже в Александрии, мзду неправедную, с нею же и казнь лютую, вошел бо в ню бес страшный, начав мучити пред всеми, так что сия дщерь велиарова трепетала всем телом, скрежетала зубы своими и вопила безудержно. Ты же, святителю Григорие, сотворив о ней теплую молитву ко Господу, отгнал еси духа злобы поднебесныя. Мы же, дивящеся сему, вопием ти тако: Радуйся, воине Христов непобедимый; Радуйся, рабе Божий благий и верный. Радуйся, цвете нетления; радуйся, венче воздержания. Радуйся, целомудрия украшение; радуйся, ангелов сожителю. Радуйся, смирения совершенное зерцало; радуйся, ему же и беси повинуются. Радуйся, иго Христово благое и легкое носивый; радуйся, скорби многия благодушно претерпевый. Радуйся, им же сатана посрамися; радуйся, им же Христос прославися. Радуйся, чудотворче Григорие, неокесарийская похвало, церкви Христовой украшение.

Кондак 3

Сила божественныя премудрости осени тя, святителю Григорие, егда купно с другом твоим Фирмианом из Каппадокии остави мирское учение и философию элаинскую и нача постигати Христианстии истины и тайны божественнаго писания, тем же и нас, великий учителю, небеснаго рая ныне проходя нетленные пажити, поминай у престола Божия, да и мы просветимся светом евангельского богопознания, поюще: Аллилуиа.

Икос 3

Имеяй в сердце своем огонь любве Божественныя, святителю Григорие, в родной град твой Неокесарию пришел еси, идеже вси людие просиша тя быти им судией и градоправителем. Ты же, избегая сетей гордости и пустой славы человечестей, место сие остави и в пустыню удалися, пребывая в трудех и подвизех, их же един Господь сердцеведец ведает. Мы же, смирению твоему и пустыннолюбию дивящеся, вопием ти тако: Радуйся, ангелонравный человече; радуйся, подвигов источниче неоскудный, радуйся, светильниче во тьме сияющий; радуйся, лампадо Божественнаго света. Радуйся, пустыннолюбивая горлице; радуйся, сладкопесненная свирель. Радуйся, многослезный молитвенниче; радуйся, ратоборче доблий, врага поведивый. Радуйся, псалмопении немолчными Бога славивый; радуйся, коленопреклонения многая совершивый. Радуйся, постом и сухоядением плоть свою изнуривый; радуйся, ветхаго в себе человека всецело духу покоривый. Радуйся, чудотворче Григорие, неокесарийская похвало, церкви Христовой украшение.

Кондак 4

Бурю мирскаго жития и тяжелоносные страстей волны прешед, обрел еси, святителю Григорие, тихое и безмятежное пристанище, в пустыню вселився, Христу неленностно поработал еси, возлюбив пост и молитву, поя непрестанно Богу: Аллилуиа.

Икос 4

Слыша блаженный Федим, епископ Амасийский, ангелоподобное житие твое, святителю Григорие, восхоте призвати тя от пустыннаго уединения к служению церковному в святительстем образе, ты же, провидев сие намерение и недостоинство свое помышляя, сокрыся во глубину пустынную. Тот же, движимый духом Святым и ревностию по церкви Христовой распаляясь, совершиша посвящение дивное, без тебя хиротонисав тя во епископа града Неокесарийскаго. Мы же, дивящеся сему, вопием ти: Радуйся, архиерею Бога вышняго; радуйся, служителю благоговейный алтаря Господня. Радуйся, неусыпный делателю винограда Христова; радуйся, плоды сладкие от делания твоего ему принесый. Радуйся, славы Божией ревнителю; радуйся, наставниче, всех к небеси приводяй. Радуйся, уневестивый Христу души многия; радуйся, пастырю добрый, за овцы своя душу положивый. Радуйся, грешных милостивый заступниче; радуйся, бедствующих скорый помощниче. Радуйся, верных прибежище граде; радуйся, святителей удобрение. Радуйся, чудотворче Григорие, неокесарийская похвало, церкви Христовой украшение.

Кондак 5

Боготечной звезде подобен был еси, святителю Григорие, небо церковное украшая и светом истиннаго богопознания озаряя, егда воле Божией покоряяся, приял еси епископское поставление во град Неокесарию и абие восстал еси противу злых еретиков Павла и Савеллия Самосатских, проповедавших ложно о таинстве Пресвятей Троицы, ты же верныя научая подобающе воспевати триединому Богу: Аллилуиа.

Икос 5

Видя безумных еретиков, о Пресвятей Троице неправедно учащих, ты, святителю Григорие, прилежно моляше Господу Богу и Пречистей Его Матери об открытии православным христианом догматов истинных, тем же сподобился еси явления чуднаго — Пресвятыя Богородицы со апостолом Иоанном Богословом, от них же и научен быв тайнам богопознания, записав, предал еси их всем верным в назидание. Мы же, небесныя глаголы сии принимающе с любовию, прославляем тя, великий таинниче, и вопием ти тако: Радуйся, Божией премудрости созерцателю и проповедниче, радуйся, истиннаго богословия златословесный учителю. Радуйся, Пресвятыя Троицы благоволением осененный; радуйся, Пречистыя Богородицы милостями ущедренный. Радуйся, Божия разума исполненный; радуйся, благодатию Святаго Духа озаренный. Радуйся, омрачивый пагубное лжеучение; радуйся, поправый еретическое злочестие. Радуйся, апостольских преданий ревностный блюстителю; радуйся, адаманте веры православныя. Радуйся, усердный наставниче благочестия; радуйся, в самом себе храм триипостасному Божеству устроивый. Радуйся, чудотворче Григорие, неокесарийская похвало, церкви Христовой украшение.

Кондак 6

Проповедник светоносный триединаго Бога, святителю Григорие, явился еси, наученный от самой Пресвятей Богородицы и апостола Иоанна Богослова, како во Святую Троицу истинно веровати, непрестанно взывал еси: Отцу Слова Живаго, Премудрости Ипостасной Силы и Образу Вечнаго: Аллилуиа.

Икос 6

Возсия заря истиннаго богопочитания граду Неокесарии, во тьме идолопоклонения пребывающему, с пришествием твоим, святителю Григорие, множество бо идолов и им служащих обрет в язычестих капищах, молил еси Господа, да призрит на создания своя, просветит люди погибающия и обратит я на путь спасения. Сего ради вернии научишася воспевати ти: Радуйся, искоренителю демонскаго служения; радуйся, насадителю истиннаго богопочита-ния. Радуйся, божественною силою идолы поправый; радуйся, тьму неверия разгнавый. Радуйся, славо веры православныя; радуйся, церкви Христовы утверждение, радуйся, прелесть демонскую посрамивый; радуйся, неверныя боговедением просветивый. Радуйся, щите, охраняяй благочестие; радуйся, мечу, посецаяй нечестие. Радуйся, верных удобрение; радуйся, неверных посрамление. Радуйся, чудотворче Григорие, неокесарийская похвало, церкви Христовой украшение.

Кондак 7

Хотяще некогда нечестивии жители неокесарийстии совершити языческий праздник Зевсу, не взирая на увещания твоя, святителю Григорие, наведоша на ся гнев Божий и наказание страшное, губительную язву смертоносную, яко смешавшия радости безумия с плачем, веселию же превратишуся в горе и несчастие. Познав же людие свое заблуждение, просишя тя остановити болезнь лютую молитвою твоею к Богу, его же ты Единаго почитал еси владыкою над всеми и воспевал ему: Аллилуиа.

Икос 7

Новаго тя чудотворца исповедует Христова церковь, святителю Григорие, силою бо Божией, в тебе действующей, больныя исцеляеши, прокаженныя очищаеши, демоны прогоняеши. Ты бо еси всем воистину помощник, свободитель, питатель и врач. Сего ради вопием ти тако: Радуйся, деснице чудотворная Иисусова; радуйся, языче Христов, словом исцеляяй. Радуйся, дерзновение велие ко Господу стяжавый; радуйся, чудотворения дар свыше получивый. Радуйся, преславный в бедах заступниче; радуйся, превеликий в напастех защитниче. Радуйся, исцелений источниче; радуйся, люте страждующим помощниче. Радуйся, бесов прогонителю; радуйся, многоцелебный кладезю неизчерплемый. Радуйся, избавление от печали; радуйся, подаяние благодати. Радуйся, чудотворче Григорие, неокесарийская похвало, церкви Христовой украшение.

Кондак 8

Странное чудо явися, святителю Григорие, егда брата два, езеро от отца в наследство получиста и не могущема има разделити его между собою, восстаста друг противу друга. Ты же молитвою твоею ко Господу изсушил еси оное, дабы не иссякла есть любовь братская, научая верныя в мире друг со другом воспевати Богу: Аллилуиа.

Икос 8

Весь воистину православный мир почитает тя, святителю Григорие, великаго чудотворца, ибо молитвою твоею ко Господу и водружением жезла твоего течение реки изменил еси, сохранив земли плодородие; призвав же имя Иисусово, гору подвигнул еси, дая место для воздвижения храма Божия. Мы же, дивящеся сему, вопием Ти: Радуйся, сосуде благодати Божией; радуйся, неизсякаемый источниче чудес. Радуйся, истинный исправителю душ человечестих; радуйся, сварливых братъев вразумление. Радуйся, яко тобою зависть попираем; радуйся, яко тобою благонравное житие исправляем. Радуйся, над стихиями благодатию Божией владычествуяй; радуйся, уставы земли верою твоею пременяяй. Радуйся, речныя устремления жезлом твоим укротивый, радуйся, земли плодоносие молитвою твоею даровавый. Радуйся, усердный храмоздателю; радуйся, человеколюбивый пастырю словесных овец. Радуйся, чудотворче Григорие, неокесарийская похвало, церкви Христовой украшение.

Кондак 9

Всякое естество ангельское удивися дару прозорливости твоея, святителю Григорие, егда узрел еси в простом угольщике Александре, муже богоугодном и благочестивом, будущаго епископа града Команы, и тако сокровище потаенное открыл еси, украшением церкви Христовой ставшее. Сего ради и мы со безплотными лики вопием Богу: Аллилуиа.

Икос 9

Ветии многовещаннии недоумеют изобразити силу Божию, в тебе действующую, святителю Григорие, егда трое иудеев восхотешя над тобою посмеятися, единаго от нечестивцев своих при дороге обнаженнаго, яко мертва, положивше, рыдающу же над ним и просящу у тебя одежды покрытии наготу его. Ты же, покрыв его, воистину бездыханным сотворил еси, искусителей посрамляя и мертвым погребати своего мертвеца оставляя, мы же, прославляюще тя, святителю, сице вопием: Радуйся, духом прозорливости озаренный; радуйся, духом страха Божия напоенный. Радуйся, будущая, яко настоящая, ведый; радуйся, дальняя, яко близ сущая, прозревая. Радуйся, небоязненный истины проповедниче; радуйся, ревностный лжи посрамителю. Радуйся, беззаконных словом обличения, яко гром, поражаяй; радуйся, нечестием ослепленных, яко молния, посецаяй. Радуйся, к наказанию безумных иудеев Бога приклонивый; радуйся, сквернаго хульника жизни лишивый. Радуйся, яко тобою попрано бысть глумление; радуйся, яко тобою пожерта бысть зависть. Радуйся, чудотворче Григорие, неокесарийская похвало, церкви Христовой украшение.

Кондак 10

Спасти хотяй души словесных овец твоих, святителю Григорие, яко пастырь добрый, восстал еси противу волка хищнаго, нечестиваго гонителя Декия, иже понуждаше христиан к поклонению идолам и преда их мучениям и злой смерти. Ты же, отеческой любовию движимый, призывал еси верных укрытися от мучителей, дабы обессилев в страданиях не отпали от Бога истиннаго, ему же до времени в дебрех и расселинах гор воспеваху: Аллилуиа.

Икос 10

Стены горнего Иерусалима прияшя тя, святителю Григорие, по отшествии твоем от земных к небесным. Паства же твоя плакаше о тебе, яко о своем отце чадолюбивом, мы же зряще тя погребаема и теплаго предстателя на небеси имети тя уповая, с рыданием купно и надеждою вопием ти: Радуйся, великий угодниче, жизнь по Бозе возлюбивый; радуйся, веру, надежду и любы даже до конца сохранивый. Радуйся, отче чадолюбивый, в начале епископства во граде Неокесарии имевый лишь семьнадесят христиан и их млеком евангельских заповедей вскормивый; радуйся, трудолюбивая пчело, весь град медом Христовой веры усладивый и пред кончиною твоею лишь семьнадесят язычников в горечи заблуждений оставивый. Радуйся, лучу солнца правды, теплотою Божественныя любве нас согреваяй; радуйся, свечо многосветлая, светом истиннаго богопознания нас озаряяй. Радуйся, бисере честный, сердца наша увеселяяй; радуйся, камень драгий, люди православныя украшаяй. Радуйся, небесных сил собеседниче; радуйся, всех святых сонаследниче. Радуйся, яко тобою бездну милосердия Божия призываем; радуйся, яко тобою спасение вечное получити уповаем. Радуйся, чудотворче Григорие, неокесарийская похвало, церкви Христовой украшение.

Кондак 11

Пение благодарственное Пресвятей Троице принесошя люди неокесарийстии, егда обретошя честные и многоцелебные мощи твои, святителю Григорие, аки спасительный источник, дивные чудеса содевающий, и поставишя их в церкви соборней, поя богу: Аллилуиа.

Икос 11

Светоподательнаго светильника, просвещающаго души и телеса, явил тя Господь, святителю Григорие, людем православным во всей вселенней, ибо молитвами твоими пособствуеши, не точию в Неокесарии сущим, но и в пределех отечества нашего пребывающим, и московский князь Василий Темный свобожден бысть чудно из татарскаго плена не иным чем, но помощию твоею и предстатель-ством, посему и воздвиже церковь во имя твое на месте, с него же узре стены кремлевстии, на нем же и ныне прославляешися и слышиши таковая: Радуйся, небес пресельниче и жителю; радуйся, земли молитвенниче и предстателю. Радуйся, людям православным поможение; радуйся, рода христианскаго возвышение. Радуйся, лествице, Богом утвержденная, ею же восходим к небеси; радуйся, покрове, Богом зданный, им же покрываются мнози. Радуйся, из уз пленения изымаяй; радуйся, от мятежа и браней соблюдаяй. Радуйся, многих от погибели исхитивый, радуйся, безчисленных неврежденно сохранивый. Радуйся, яко тобою от вечныя смерти свовождаемся; радуйся, яко тобою безконечныя жизни сподобляемся. Радуйся, чудотворче Григорие, неокесарийская похвало, церкви Христовой украшение.

Кондак 12

Благодать, данную ти от Бога, сведуще, с любовию восхваляем тя, святителю Григорие, помышляя, яко не могуще по достоянию изобразити величие и славу твою. Моли же о нас, чадах твоих духовных, да милостив будет Господь и к нам, грешным, да облагодатит и нас ходатайством твоим, не от града Неокесарии, но от российских предел вопиющих ему: Аллилуиа.

Икос 12

Поюще богоугодное житие твое, святителю Григорие, благодарим дивнаго во святых своих Христа Бога нашего, даровавшего тя вселенстей церкви, яко столп неподвижен и утверждение истинной веры. Ты же прими от нас словеса сия: Радуйся, житие твое земное благочестно скончавый; радуйся, от небеснаго Царя венец славы получивый. Радуйся, озаривый вселенную светом добродетелей твоих, радуйся, яко видя добрыя дела твоя, человецы Отца небеснаго прославляют. Радуйся, за ны пред престолом Божиим молящийся; радуйся, от Бога милости нам непрестанно просящий. Радуйся, всякаго притекающаго к тебе под кров твой и заступление приемляй; радуйся, яко никто же от тебе тощь и неутешен отъиде. Радуйся, яко от мощей твоих чудеса многия содеваются; радуйся, яко милость Божия от них непрестанно изливается. Радуйся, чудотворче Григорие, неокесарийская похвало, церкви Христовой украшение.

Кондак 13

Святителю Христов и чудотворче Григорие, приими сие моление наше, от любве тебе приносимое, и испроси нам у всещедраго Бога, ему же ныне предстоиши на небеси, избавление от многоразличных бед и напастей, наипаче же вечныя смерти, оставление прегрешений наших и наследование царствия небеснаго, да иде же вечно вкупе с тобою нам воспевати ему: Аллилуиа.

(Этот кондак читается трижды, затем икос 1 и кондак 1)

Молитва святителю Григорию, епископу Неокесарийскому, Чудотворцу

О пречестная и священная главо и благодати Святаго Духа исполненная, спасово со отцем обиталище, великий архиерее, теплый наш заступниче, святителю Григорие! Предстоя у престола всех Царя и наслаждаяся светом единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, помози во бранех отечеству нашему, и покори вся противныя нам враги, мирное и безмятежное жительство наше устрой: благостояние святых церквей утверди: архиереи благолепием святительства украси: монашествующия к подвигом добраго течения укрепи: град сей и вся грады наши и страны добре сохрани, и веру святую непорочну соблюсти нам умоли: мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели, и везде тепле призывающия тя и с верою притекающия к тебе и усердно припадающия и молящияся тебе от всяких напастей и бед ходатайством твоим свободи. Моли о нас всещедраго и человеколюбиваго Христа Бога нашего, да и в день страшнаго пришествия его от шуияго стояния избавит нас, и радости святых причастники сотворит со всеми святыми во веки веков. Аминь.

Тропарь святителя Григория, глас 8

В молитвах бодрствуя, чудес деланьми претерпевая,/ тезоимение стяжал еси исправления,/ но молися Христу Богу, отче Григорие,// просветити души наша, да не когда уснем в смерть.

Кондак святителя Григория, глас 2

Чудес многих прием действо,/ знаменьми ужасными демоны устрашил еси/ и недуги отгнал еси человеческия, всемудре Григорие,/ чудотворец же именуешися,// звание от дел прием.